‘जलाकी'को गीत ‘जाले रुमाल मायालाई'मा उपासना र सोनमको रोमान्स

काठमाडौँ। अशोक थापा मगर निर्देशित फिल्म 'जलाकी'को नयाँ गीत 'जाले रुमाल मायालाई' शुक्रबार सार्वजनिक गरिएको छ। कौडाको शैलीको गीतमा एसडी योगी र रेश्मा पुनको स्वर तथा सुरेन्द्र रानाको शब्द छ। गायक एसडी योगीकै संगीत रहेको गीतका संगीत निर्माता रिकेश गुरुङ (किज) हुन्। गीतमा फिल्मका मुख्य कलाकार उपासना सिंह ठकुरी र सोनम तोप्देनको अभिनय देख्न सकिन्छ । गीतमा रत्न बीकेको बाँसुरी, मादल तथा खैंजडीमा मदन रेग्मी, पञ्चेबाजा शिशिर परियार र सारंगी हेमन्त कान्छा रसाइलीले बजाएका छन् । गीतको भिडियो सुरेन्द्र राई, सुसन तामाङ र शेखर घर्ती मगरको कोरियोग्राफी छ । भिडियोमा फिल्मका कलाकाहरू अस्तित्व भट्टचन, राजु रेग्मी मगर, दीपिका मगर, भावना मगर, प्रवेश राईलाई पनि देखिएका छन् । फिल्मको केही अघि 'चाँदी चलप' बोलको गीत सार्वजनिक गरिएको थियो । गीत दर्शकले निकै रुचाएका छन् । यो गीत पनि दर्शकले रुचाउने अपेक्षा गरिएको छ । फिल्ममा सोनम र उपासनाको अलवा शिल्पा मास्के, माओत्से गरुङ, बुद्धि तामाङ, अस्तित्व भट्टचन, साहारा हाङमा लिम्बू, रजनी गरुङ, राजु रेग्मी मगर, उषा खड्की, खड्क बहादुर पुन (खबपु) लुनिभा तुलाधर, संगीता थापा, कर्मा लामा तामाङ, भावना मगर, राज काउचा मगर, दुइसाङ थिन र विशेष भूमिकामा क्याप्टेन विजय लामा तथा बालकलाकारमा मुन्जन थापा मगर, नुलाम्मा बान्तावा, रिन्सी धनहा मगरले अभिनय छ । यहि फिल्मबाट मिस सिक्किमकी साहारा हाङमा लिम्बूले नेपाली रजतपटमा डेब्यु गरेकी छन् । शैलेन्द्र डी. कार्कीले छायांकन गरेको फिल्म आगामी मंसिर ४ गतेबाट देशभर प्रदर्शन हुनेछ । एम मिडिया प्रोडक्सनको ब्यानरमा निर्माण भएको फिल्मको निर्मातामा ओम घर्ति मगर, वीर बहादुर लामा, चन्द्र बहादुर भट्टचन, बेताने मगर (बबिता राना), मान बहादुर धनाह मगर, राधा थापा र सुस्मिता बुढाथोकी रहेका छन् । निर्देशक मगरले यस अगाडि फिल्म 'खुस्मा' पनतर्देशन गरेका थिए । फिल्मको बितरण गोविन्द शाहीको काफिया फिल्मस् र कुवेर सिने डिष्ट्रीव्युसनले वितरण गर्दैछ ।