જામનગરમાં ડિલાઇટ ક્લબ દ્વારા 'ઓપન જામનગર રાસલીલા 2026'નું આયોજન: 2 વર્ષની બાળકીથી 65 વર્ષની ગૃહિણીઓ સહિત મોટી સંખ્યામાં મહિલાઓ જોડાઈ

જામનગરમાં ડિલાઇટ ક્લબ દ્વારા એમ.પી. શાહ ગ્રાઉન્ડ ખાતે 'ઓપન જામનગર રાસલીલા ૨૦૨૬'નું આયોજન કરાયું હતું. નવરાત્રી નિમિત્તે યોજાયેલા આ કાર્યક્રમમાં ૨ વર્ષની બાળકીથી લઈને ૬૫ વર્ષની ગૃહિણીઓ સહિત મોટી સંખ્યામાં મહિલાઓએ ભાગ લીધો. મહિલાઓએ ચણીયા-ચોળી અને સાડી પહેરી વિવિધ રાસ-ગરબા રમી માતાજીની પૂજા કરી. રંગબેરંગી કપડાં પહેરેલી મહિલાઓના રાસ-ગરબાથી ગ્રાઉન્ડમાં ઉત્સવનો માહોલ છવાઈ ગયો. આ પ્રસંગે જામનગરના મેયર મોનિકાબેન વ્યાસ અને ધારાસભ્ય દિવ્યેશભાઈ અકબરી સહિત ઘણા મહાનુભાવો હાજર રહ્યા. તેમણે આ આયોજન બદલ ડિલાઇટ ક્લબ અને મહિલાઓને અભિનંદન પાઠવ્યા અને શુભકામનાઓ આપી. આ આયોજનમાં પરંપરા, સંસ્કૃતિ અને મહિલા શક્તિનો સુંદર સમન્વય જોવા મળ્યો. મહિલાઓનો ઉત્સાહ ખાસ આકર્ષણનું કેન્દ્ર બન્યો હતો.