بھارت میں چیف الیکشن کمشنر سے استعفے کے لیے احتجاج، پولیس کا مظاہرین پر آنسو گیس اور واٹر کینن کا استعمال

بھارت میں اپوزیشن جماعت کانگریس کی جانب سے چیف الیکشن کمشنر گیانیش کمار سے استعفے کے مطالبے پر ملک گیر احتجاج کے دوران پولیس نے مظاہرین کو منتشر کرنے کے لیے آنسو گیس اور واٹر کینن کا استعمال کیا۔ میڈیا رپورٹس کے مطابق کانگریس کے کارکنوں نے نئی دہلی سمیت بھارت کی کم از کم 12 ریاستوں میں احتجاج کیا۔ مظاہرین نے چیف الیکشن کمشنر گیانیش کمار کے خلاف نعرے لگائے اور ان کی گرفتاری کا مطالبہ کرتے ہوئے پوسٹرز اٹھا رکھے تھے۔ یہ بھی پڑھیں: بھارت میں نوجوانوں کے احتجاج کے دوران پولیس نے ضرورت سے زیادہ طاقت استعمال کی، ایمنسٹی انٹرنیشنل نئی دہلی میں سیکڑوں مظاہرین نے پولیس کی جانب سے لگائی گئی رکاوٹوں پر چڑھ کر احتجاج کیا، جبکہ بعض مقامات پر پولیس نے مظاہرین کو منتشر کرنے کے لیے واٹر کینن کا استعمال کیا۔ احتجاج کی کال نوجوانوں کی تحریک کی جانب سے دی گئی ہے، جس نے کہا ہے کہ اگر چیف الیکشن کمشنر گیانیش کمار ہفتے تک مستعفی نہ ہوئے تو 2 اکتوبر کو پورے بھارت میں احتجاج کیا جائے گا۔ دیگر اپوزیشن جماعتیں بھی احتجاج کی حمایت کررہی ہیں۔ کانگریس اور دیگر اپوزیشن جماعتوں نے الیکشن کمیشن پر الزام عائد کیا ہے کہ وہ بھارتیہ جنتا پارٹی کے ساتھ مل کر ووٹر فہرستوں میں ردوبدل کررہا ہے تاکہ بی جے پی کو ریاستی انتخابات میں فائدہ پہنچایا جاسکے۔ الیکشن کمیشن اور بی جے پی نے ان الزامات کی تردید کی ہے۔ یہ بھی پڑھیں: بھارت: نوجوانوں کے احتجاج میں معاملہ 'آزادی' کے نعروں تک کیسے پہنچا؟ احتجاج اس رپورٹ کے بعد شروع ہوا جس میں دعویٰ کیا گیا تھا کہ الیکشن کمشنر گیانیش کمار کے نائبین نے ووٹر فہرستوں میں تبدیلیوں کے معاملے پر ان سے سوالات کیے ہیں۔ کانگریس رہنما راہول گاندھی نے کہا کہ وہ 3 سال سے ووٹ چوری کی نشاندہی کررہے ہیں اور اب الیکشن کمشنرز خود اسے تسلیم کررہے ہیں۔ راہول گاندھی نے گیانیش کمار پر غداری کا الزام عائد کرتے ہوئے ان سے فوری استعفے کا مطالبہ بھی کیا۔ الیکشن کمیشن نے کہا ہے کہ کسی بھی ادارے میں افسران کے درمیان اختلافات معمول کی بات ہیں اور کمیشن کے تمام اقدامات قانون کے مطابق ہیں۔ بی جے پی نے رپورٹ کو مسترد کرتے ہوئے کہا کہ اپوزیشن جماعتیں بی جے پی کی مقبولیت کے باعث انتخابات ہارنے پر الزام تراشی کررہی ہیں۔ یہ بھی پڑھیں: بھارت: امتحانات میں بے ضابطگیوں کے خلاف احتجاج کرنے والوں پر پولیس ٹوٹ پڑی، بدترین لاٹھی چارج اور شیلنگ بھارت کی 28 ریاستوں میں سے متعدد ریاستوں میں کانگریس کارکنوں نے گیانیش کمار کے خلاف احتجاج کیا، جبکہ ایک مقام پر ان کا اور نریندر مودی کا پتلا بھی نذر آتش کیا گیا۔ اگلے سال اتر پردیش اور گجرات سمیت کئی ریاستوں میں ہونے والے انتخابات کو 2029 میں ہونے والے پارلیمانی انتخابات سے قبل سیاسی حمایت جانچنے کے اہم مواقع قرار دیا جارہا ہے۔ آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا 'آفیشل گروپ' یا 'آفیشل چینل' جوائن کریں سمندروں کا پانی بڑھنے لگا، ڈوبتے ممالک بچانے کے لیے اقوام متحدہ حرکت میں آ گئی جماعت اسلامی کا لاہور میں پاور شو 100 روزہ اصلاحاتی پلان پر اہم اجلاس: عوام کو بنیادی سہولیات کی فراہمی حکومت کی ترجیح ہے، وزیراعظم آزاد کشمیر