روپے کی مستقل مزاجی برقرار، قدر مزید بلند، ڈالر کتنے پر آگیا؟

انٹربینک مارکیٹ میں جمعے کے روز بھی امریکی ڈالر کے مقابلے میں پاکستانی روپے کی قدر میں معمولی بہتری کا سلسلہ برقرار رہا۔ یہ بھی پڑھیں: 'ایک پیسہ بھی بہت ہے': امریکی ڈالر کے مقابلے میں پاکستانی روپے کی قدر میں اضافہ جاری کاروباری دن کے اختتام پر مقامی کرنسی 277.16 روپے پر بند ہوئی، جس سے ڈالر کے مقابلے میں روپے کی قدر میں 0.01 روپے (1 پیسہ) کا اضافہ ریکارڈ کیا گیا۔ اس سے قبل جمعرات کے روز روپیہ 277.17 روپے کی سطح پر بند ہوا تھا۔ عالمی سطح پر جمعے کے روز امریکی فیڈرل ریزرو کی جانب سے شرح سود میں مزید اضافے کے امکانات اور ٹریژری بانڈز کی ییلڈ میں مسلسل اضافے کے باعث ڈالر 2 ماہ کی بلند ترین سطح کے قریب مستحکم رہا، جبکہ ڈالر انڈیکس 101.2 کی سطح پر دیکھا گیا۔ ڈالر کی مسلسل مضبوطی سے یورو گر کر دو ماہ کی کم ترین سطح 1.1370 ڈالر پر آ گیا، جبکہ برطانوی پاؤنڈ 3 ماہ کی کم ترین سطح 1.3220 ڈالر پر ٹریڈ ہوا۔ مزید پڑھیے: خراماں خراماں: روپے کی قدر مسلسل مضبوطی کی سمت گامزن، جانیے یہ سلسلہ کب سے جاری ہے؟ امریکی فیڈرل ریزرو کی سخت معاشی پالیسیوں اور مضبوط اقتصادی اعداد و شمار کے بعد لانگ ٹرم امریکی ٹریژری ییلڈز 20 سال کی بلند ترین سطح پر پہنچ گئیں جس نے امریکی ڈالر کو مزید تقویت بخشی۔ پچھلے ایک ہفتے کی شدید لاگت اور اتار چڑھاؤ کے بعد جمعے کو خام تیل کی قیمتوں میں معمولی کمی ریکارڈ کی گئی۔ برینٹ کروڈ 87 سینٹس (0.82 فیصد) کی کمی کے ساتھ 105.73 ڈالر فی بیرل جبکہ امریکی ویسٹ ٹیکساس انٹرمیڈیٹ 1.56 ڈالر (1.65 فیصد) گر کر 93.05 ڈالر فی بیرل کی سطح پر آ گیا۔ آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا 'آفیشل گروپ' یا 'آفیشل چینل' جوائن کریں بلوچستان کے نوجوانوں کے لیے خوشخبری، 55 طلبہ کو 'فلی فنڈڈ ' اسکالرشپس مل گئیں ایشین گیمز اسکواش: پاکستان کے 2 کھلاڑی سیمی فائنل میں، میڈل پکا ہو گیا سرمد کھوسٹ کی فلم 'لالی' سیئٹل میں تیسویر فیسٹیول کی افتتاحی فلم ہوگی