കഴ്സന്റെ കോലം കത്തിക്കാൻ ധൈര്യം തന്ന ഗാനം: കോൺഗ്രസ് എന്തിന് ആ ചരണങ്ങൾ ഒഴിവാക്കി? ‘കാരണം 1937ലെ പിടിവാശി'യെന്ന് ബിജെപി; എന്താണ് വന്ദേമാതരം വിവാദം?

ഇന്ത്യയുടെ ചരിത്രത്തിനൊപ്പം ഒന്നര നൂറ്റാണ്ടായി സഞ്ചരിച്ചു പോരുന്ന അചഞ്ചലമായ ദേശസ്നേഹത്തിന്റെയും അത്രയും പോന്ന വിവാദത്തിന്റെയും കഥയാണ് വന്ദേമാതരം എന്ന ഗാനത്തിന്റേത്. വാഗ്വാദങ്ങളും ആശയപ്പോരാട്ടങ്ങളും നിയമനടപടികളും കൊണ്ട്, പിറവിയെടുത്ത് 150 വർഷം പിന്നിട്ടിട്ടും ആ ഗാനം ഉയർത്തുന്ന അലയൊലികൾ ഇന്നും ഇന്ത്യയുടെ രാഷ്ട്രീയാന്തരീക്ഷത്തിൽ മുഖരിതമാണ്. ഏറ്റവുമൊടുവിൽ 'മതപരമായ കാരണങ്ങളാൽ ആലപിക്കാൻ തയാറാകാത്തതിനെതിരെ ക്രിമിനൽ നടപടി ഉണ്ടാകരുതെന്ന' സുപ്രീം കോടതി പരാമർശത്തോടെ വന്ദേമാതരം വീണ്ടും ചർച്ചയാകുന്നു. വന്ദേമാതരം പൂർണമായി ആലപിക്കണമെന്ന കേന്ദ്രസർക്കാർ നിർദേശം ചോദ്യം ചെയ്ത് പ്രമുഖ