एसियाली खेलकुदमा चीनकै दबदबा: कुन देशले कति पदक जिते ?

२०औँ एसियाली खेलकुदको पदक तालिकामा चीन ९८ स्वर्णसहित कुल १५९ पदक जितेर शीर्ष स्थानमा छ। आयोजक जापान ११५ पदकसहित दोस्रो र दक्षिण कोरिया ६४ पदकसहित तेस्रो स्थानमा छन्। नेपालले कराँते र महिला कबड्डीमा गरी २ कांस्य पदक जितेको छ। काठमाडौं । जापानको आइची–नागोयामा जारी २०औँ एसियाली खेलकुदको पदक तालिकामा चीनले आफ्नो बलियो प्रदर्शनलाई निरन्तरता दिएको छ । पछिल्लो अपडेट अनुसार चीन ९८ स्वर्ण, ३७ रजत र २४ कांस्यसहित कुल १५९ पदक जितेर शीर्ष स्थानमा रहेको छ । आयोजक जापान २८ स्वर्ण, ४३ रजत र ४४ कांस्यसहित ११५ पदक जितेर दोस्रो स्थानमा छ भने दक्षिण कोरिया १३ स्वर्ण, १७ रजत र ३४ कांस्यसहित ६४ पदक जितेर तेस्रो स्थानमा रहेको छ । त्यस्तै, कजाकिस्तान ८ स्वर्ण, ८ रजत र १४ कांस्यसहित ३० पदक जितेर चौथो तथा उज्बेकिस्तान ७ स्वर्ण, १५ रजत र ९ कांस्यसहित ३१ पदक जितेर पाँचौँ स्थानमा छन् । इरानले ६ स्वर्ण, ११ रजत र ७ कांस्यसहित २४ पदक जितेको छभने थाइल्यान्डले ६ स्वर्ण, ६ रजत र ८ कांस्यसहित २० पदक जित्दै सातौँ स्थान ओगटेको छ । हङकङले ४ स्वर्ण, ११ रजत र ११ कांस्यसहित २६ पदक जितेको छ भने उत्तर कोरियाले ४ स्वर्ण, ४ रजत र ३ कांस्यसहित ११ पदक तथा बहराइनले ४ स्वर्ण, २ रजत र २ कांस्यसहित ८ पदक जितेका छन् । मलेसिया ४ स्वर्ण, १ रजत र ५ कांस्यसहित १० पदकसहित ११औँ स्थानमा छ भने भारत २ स्वर्ण, ९ रजत र १२ कांस्यसहित २३ पदक जितेर १२औँ स्थानमा तथा चाइनिज ताइपेईले २ स्वर्ण, ५ रजत र १६ कांस्यसहित २३ पदक जितेको छ । फिलिपिन्सले २ स्वर्ण, २ रजत र ५ कांस्यसहित ९ पदक जितेको छ भने कतारले २ स्वर्ण, २ रजत र १ कांस्यसहित ५ पदक तथा कुवेतले २ स्वर्ण, १ रजत र २ कांस्यसहित ५ पदक जितेका छन् । त्यस्तै, ताजिकिस्तानले २ स्वर्ण, १ रजत र १ कांस्यसहित ४ पदक जितेको छ भने सिंगापुरले १ स्वर्ण, ५ रजत र ३ कांस्यसहित ९ पदक जितेको छ । त्यसैगरी, इन्डोनेसियाले १ स्वर्ण, ४ रजत र १७ कांस्यसहित २२ पदक जितेको छ भने मकाउले १ स्वर्ण, ४ रजत र १ कांस्यसहित ६ पदक तथा भियतनामले १ स्वर्ण, १ रजत र १६ कांस्यसहित १८ पदक जितेका छन् । त्यस्तै, जोर्डन र म्यानमारले समान १ स्वर्ण, १ रजत र १ कांस्यसहित ३–३ पदक जितेका छन् भने साउदी अरबले २ रजत र ४ कांस्यसहित ६ पदक तथा किर्गिस्तानले १ रजत र ३ कांस्यसहित ४ पदक जितेको छ । त्यसैगरी, अफगानिस्तान र इराकले समान १ रजत र २ कांस्यसहित ३–३ पदक जितेका छन् भने लेबनानले १ रजत र १ कांस्यसहित २ पदक जितेको छ । त्यस्तै, श्रीलंका र तुर्कमेनिस्तानले समान १ रजत पदक जितेका छन् भने कम्बोडियाले ४ कांस्य पदक जितेको छ । नेपालले भने २ कांस्य पदक जितेको छ । नेपालसँगै पाकिस्तानले पनि २ कांस्य पदक जितेको छ । यसअघि कराँतेमा कास्य जितेको नेपालले शुक्रबार महिला कबड्डीमा कास्य पदक जितेको हो । त्यसैगरी बंगलादेश, ब्रुनाई, मंगोलिया र सिरियाले समान १–१ कांस्य पदक जितेका छन् ।