हावाहुरी र वर्षाले उखु खेतीमा क्षति, तस्बिरहरू

काठमाडौँ । तराई र भित्री मधेसका धेरै जिल्लामा निरन्तरको हावाहुरी र वर्षाले उखु खेतीमा क्षति पुगेको छ । सिरहाको विष्णुपुर गाउँपालिका–१ का किसान गोपिन्द्र यादवले हावाहुरीले ढलेको उखु देखाउँदै लगानीसमेत नउठ्ने चिन्ता व्यक्त गरे । उनले करिब ४ लाख रुपैयाँ लगानी गरेर दुई बिघाभन्दा बढी क्षेत्रफलमा लगाएको उखु हावाहुरी र वर्षाले ढलेको छ । उखुबाट करिब १० लाख रुपैयाँ आम्दानी हुने अपेक्षा गरेका यादव अहिले लगानीसमेत नउठ्ने चिन्तामा छन् ।