نانا پاٹیکر کی آخری رسومات سرکاری اعزاز کے ساتھ ادا کردی گئیں
زمرہ: تفریح
شیئر کریں
آرکائیو
پسند کریں
ممبئی(اُردو پوائنٹ اخبارتازہ ترین - این این آئی۔ 09 اکتوبر2026ء) معروف بھارتی اداکار نانا پاٹیکر کی آخری رسومات گزشتہ شب مہاراشٹرا کے شہر پونے میں واقع ان کے فارم ہاس پر سرکاری اعزاز کے ساتھ ادا کردی گئیں، جہاں ہزاروں چاہنے والوں نے اپنے پسندیدہ اداکار کو الوداع کیا ۔بھارتی میڈیا رپورٹس کے مطابق نانا پاٹیکر نے مبینہ طور پر اپنی خواہش ظاہر کی تھی کہ ان کی آخری رسومات ان کے فارم ہائوس میں ادا کی جائیں، اسی خواہش کے مطابق ان کی میت کو گوا سے پونے منتقل کردیا گیا تھا۔ رپورٹس کے مطابق اس سے قبل سینئر اداکار کی میت گوا سے پونے انٹرنیشنل ایئرپورٹ لائی گئی، جہاں مہاراشٹرا کے وزیراعلی دیویندر فیڈناویس نے انہیں خراج عقیدت پیش کیا۔آخری رسومات میں مہاراشٹرا کی نائب وزیراعلی سونیترا پوار، مرکزی وزرا، نام فائونڈیشن کے شریک بانی اور اداکار مکرند انسپورے سمیت متعدد شخصیات شریک ہوئیں۔اداکار کی آخری رسومات میں جیکی شروف، ساجد، فلم ساز انیل شرما اور ساجد ناڈیاڈوالا سمیت دیگر معروف شخصیات بھی موجود تھیں۔آخری رسومات میں سیاست، فلم، کھیل اور سماجی شعبوں سے تعلق رکھنے والی متعدد شخصیات کے علاوہ بڑی تعداد میں مداح بھی شریک ہوئے۔
کوکیز کے بارے میں ایک نوٹ
نیوزہنٹ آپ کو سائن ان رکھنے اور آپ کی زبان اور ملک یاد رکھنے کے لیے ضروری کوکیز استعمال کرتا ہے، تاکہ سائٹ آپ کی توقع کے مطابق کام کرے۔ آپ کی اجازت سے، ہم یہ سمجھنے کے لیے تجزیاتی کوکیز بھی استعمال کرنا چاہتے ہیں کہ لوگ نیوزہنٹ کو کیسے استعمال کرتے ہیں اور وقت کے ساتھ اسے بہتر بنانا چاہتے ہیں۔
قبول کرنا صرف تجزیات کو متاثر کرتا ہے۔ مزید جاننے کے لیے دیکھیں پرائیویسی پالیسی or شرائط و ضوابط.
(0)تبصرے