نیلم منیر کے آنگن میں چاند اترآیا،اداکارہ کے ہاں دوبئی میں بیٹے کی پیدائش

اسلام آباد (قدرت روزنامہ)پاکستانی شوبز انڈسٹری کی معروف اداکارہ نیلم منیر کے ہاں بیٹے کی پیدائش کی اطلاعات سامنے آئی ہیں، جس کے بعد مداحوں میں خوشی کی لہر دوڑ گئی۔ سوشل میڈیا پر گردش کرنے والی اطلاعات کے مطابق اداکارہ نیلم منیر اور ان کے شوہر محمد راشد کے گھر دبئی میں ننھے مہمان کی آمد ہوئی ہے۔ قریبی خاندانی ذرائع اور دوستوں کی سوشل میڈیا پوسٹس کے حوالے سے یہ خبر سامنے آئی ہے، تاہم اداکارہ کی جانب سے تاحال باضابطہ تصدیق سامنے نہیں آئی۔ واضح رہے کہ نیلم منیر نے نومبر 2024 میں شادی کے بعد ٹیلی ویژن سے کچھ فاصلے اختیار کر لیے تھے اور بیرونِ ملک قیام کے دوران وہ سوشل میڈیا پر بھی نسبتاً کم متحرک دکھائی دے رہی تھیں۔ بچے کی پیدائش کی خبر سامنے آنے کے بعد مداحوں اور شوبز حلقوں کی جانب سے مبارک باد اور نیک تمناؤں کا اظہار کیا جا رہا ہے۔ مداح دعاگو ہیں کہ اللہ تعالیٰ ننھے مہمان کو صحت، خوشیاں اور لمبی عمر عطا فرمائے۔ اب مداحوں کو نیلم منیر کی جانب سے اس خوشخبری کی باضابطہ تصدیق اور ننھے شہزادے کی پہلی جھلک کا بے صبری سے انتظار ہے۔