Dəhşətli partlayışda ölənlərin sayı 7-yə çatdı

Boliviyanın Viaça şəhərində hərbi texnikaya xidmət mərkəzinin ərazisində baş vermiş partlayış nəticəsində ölənlərin sayı 7 nəfərə çatıb. Publika.az xəbər verir ki, bu barədə Boliviya Müdafiə Nazirliyi məlumat yayıb. Məlumata görə, xilasedicilər partlayışdan sonra itkin düşmüş hesab edilən 14 nəfərdən 7-sinin meyitini aşkarlayıblar. Ölənlərdən biri çavuş, altısı çağırışçıdır. Hadisə yerində axtarış-xilasetmə işləri və dağıntıların təmizlənməsi davam etdirilir. Xatırladaq ki, Viaçadakı hərbi obyektdə sentyabrın 4-də partlayış olub. İlkin məlumatda 2 nəfərin öldüyü və 59 nəfərin yaralandığı bildirilmişdi.