Tensione para Ministrisë së Brendshme, shoqërohen dy protestues. Momenti kur policia i merr dhe…

Tensione janë shënuar gjatë protestës qytetare në zonën afër Kuvendit, ku situata është shoqëruar me ndërhyrjen e forcave të policisë. Në mesin e protestuesve janë shoqëruar dy persona, të cilët janë marrë nga efektivët e policisë dhe janë larguar nga zona ku po zhvillohej tubimi. Momenti i shoqërimit është filmuar pranë Ministrisë së Brendshme, ndërsa në pamjet e publikuara duket ndërhyrja e policisë dhe largimi i dy protestuesve nga vendi i protestës. Ngjarja ka ndodhur në një moment kur përpara Ministrisë së Brendshme vijonin thirrjet dhe protestat kundër qeverisë dhe klasës politike. Nuk dihen ende rrethanat e plota që çuan në shoqërimin e dy protestuesve dhe nëse ndaj tyre do të ketë masa të tjera. Protesta e sotme është pjesë e ditës së 101-të të rezistencës qytetare, ndërsa tubimi vijon në disa pika të Tiranës.