Champions League/ Trajneri serb merr vendimin drastik për Strakoshën, Pilos i besohen 'çelësat' e mesfushës

Marko Nikolic-Thomas Strakosha Pak minuta para startit të sfidës AEK Athinë – LASK Linz, që shënon nisjen e aventurës së re në Champions League, janë bërë publike formacionet zyrtare të dy skuadrave. Vëmendjen e tërheq menjëherë mungesa e Thomas Strakoshës. Portieri i Kombëtares shqiptare nuk është përfshirë as në formacionin titullar dhe as në pankinën e AEK-ut. Strakosha ishte në fushë vetëm pak ditë më parë, në fitoren e thellë 5-0 ndaj Arisit në kampionatin grek, por mungesa e tij në dy seancat e fundit stërvitore ka ngritur dyshimet se gardiani kuqezi mund të ketë pësuar një dëmtim. Në krahun tjetër, një tjetër kuqezi do ta nisë ndeshjen nga minuta e parë. Stavro Pilo është titullar për AEK-un dhe pritet të jetë një nga protagonistët e skuadrës greke në këtë përballje europiane. Champions League nis sot fazën e saj të re me dy përballje interesante, ku krahas AEK-ut dhe LASK-ut, vëmendje të madhe tërheq edhe sfida Club Brugge – Aston Villa. Ndërsa për AEK-un objektivi është një nisje sa më e mirë në Europë, për shqiptarët në veçanti sytë do të jenë te Stavro Pilo, ndërsa mungesa e Strakoshës mbetet lajmi kryesor para startit të takimit. thomas strakosha aek portieri i kombëtares champions league