უკრაინული მედია: ევროკავშირის საბჭოს გაფართოების საკითხთა სამუშაო ჯგუფმა უნგრეთის მიერ გადაწყვეტილების ბლოკირების გამო ვერ შეძლო უკრაინისთვის მოლაპარაკებების მე-2 და მე-3 კლასტერების სკრინინგის შედეგების დამტკიცება
Category: Politics
Share
Archive
Like
ევროკავშირის საბჭოს გაფართოების საკითხთა სამუშაო ჯგუფმა ( COELA ) უნგრეთის მიერ გადაწყვეტილების უწყვეტი ბლოკირების გამო ისევ ვერ შეძლო უკრაინისთვის მოლაპარაკებების მე-2 და მე-3 კლასტერების სკრინინგის შედეგების დამტკიცება. ინფორმაციას ამის შესახებ უკრაინული გამოცემა Європейська правда წყაროებზე დაყრდნობით ავრცელებს .
ევროპელმა დიპლომატებმა ვერ შეძლეს უნგრეთის დარწმუნება, დათანხმებოდა უკრაინისთვის მე-2 და მე-3 კლასტერების გახსნას.
'წევრ სახელმწიფოებს პოზიციები არ შეუცვლიათ, უნგრეთი არ თანხმდება უკრაინისთვის მე-2 და მე-3 კლასტერების გახსნისკენ შემდგომ წინსვლას', - განაცხადა გამოცემას ერთ-ერთმა რესპონდენტმა.
ასევე დაბლოკილია კლასტერების გახსნა მოლდოვისთვისაც, თუმცა უნგრეთი ჯერ კიდევ 2026 წლის ივლისში აცხადებდა, რომ მზად იყო დაემტკიცებინა მოლდოვისთვის მე-3 კლასტერის სკრინინგის შედეგები, მაგრამ სხვა სახელმწიფოები ჯერჯერობით არ დათანხმდნენ ევროკავშირში გაწევრიანების მოლაპარაკებების პროცესში მოლდოვისა და უკრაინის განცალკევებას.
უნგრეთს უკრაინისთვის ახალი კლასტერების გახსნის მიზნით თავისი მოთხოვნები ჯერ კიდევ არ უცნობებია.
1-ელ სექტემბერს უნგრეთმა უარი თქვა უკრაინისთვის მე-2 და მე-3 კლასტერების სკრინინგის შედეგების დამტკიცებაზე - იგი უკრაინისგან უნგრულ უმცირესობასთან დაკავშირებით გარკვეული საკანონმდებლო ნაბიჯების გადადგმას ითხოვდა.
A note on cookies
Newshunt uses essential cookies to keep you signed in and to remember your language and country, so the site works the way you expect. With your permission, we'd also like to use analytics cookies to understand how people use Newshunt and improve it over time.
Accepting only affects analytics. To learn more, view our Privacy Policy or Terms & Conditions.
(0)Comments