کراچی میں ڈاکوؤں نے شہری سے 2 کروڑ 30 لاکھ روپے لوٹ لیے

کراچی کے علاقے کورنگی ڈیڑھ نمبر پر کار اور موٹر سائیکل پر سوار ڈاکوؤں نے شہری سے 2 کروڑ 30 لاکھ روپے لوٹ لیے۔ پولیس کے مطابق کورنگی ڈیڑھ نمبر میں چاول کے تاجر کے ملازمین سے 2 کروڑ 30 لاکھ روپے لوٹے گئے ہیں، ملازم گارڈ کے ہمراہ بینک سے رقم لے کر نکلا تھا۔ پولیس حکام کا کہنا ہے کہ ڈاکوؤں نے بینک سے ہی ملازمین کا تعاقب شروع کیا اور اس کے بعد واردات کی۔ تفتیشی حکام کا کہنا ہے کہ 12 ملزمان کار اور دو موٹر سائیکلوں پر سوار تھے جو واردات کے بعد فرار ہوگئے، ملزمان سیکیورٹی گارڈ کا اسلحہ بھی چھین کر لے گئے۔ ادھر کورنگی نمبر 6 مارکیٹ کے قریب موٹر سائیکل پر سوار پانچ ملزمان نے جنرل اسٹور کے قریب واردات کی، مسلح ملزمان تاجر سے رقم لوٹ کر فرار ہوگئے۔ پولیس کا کہنا ہے کہ واقعات کی سی سی ٹی وی فوٹیجز حاصل کرکے تحقیقات کا آغاز کردیا گیا ہے۔