Bra Top辣照派甜頭 陳曉華拉馬貫東落水 福利加碼谷收視

無綫新劇《死有對証》昨晚首播，主演陳曉華難忘拍攝期間天氣炎熱，開工時帶齊「防暑三寶」傍身，又笑指日前發放的「福利照」並非全盛時期拍攝，揚言會練好身形再影水着照谷收視！ 藝人陳曉華、馬貫東、王菲、阮浩棕及陳熹潼等昨日現身宣傳新劇《死有對証》，劇集約3年前完成拍攝，陳曉華很高興作品終於面世：「盼咗佢好耐，因為角色性格簡單、直接、單純同開朗，我好少演呢啲角色。」身旁的馬貫東笑指等到頸長，並大讚拍檔陳曉華如今「瘦咗又靚咗」。他指拍攝時正值大熱天，加上有動作場面，故體能消耗很大，難忘拍追賊戲跑足兩個鐘，又要在體感40度下於郊野公園拍外景，陳曉華即憶起當時情況：「我哋瑟縮一角，匿埋喺樹蔭下避太陽，同埋驚中暑所以準備咗風扇、遮同『正氣水』，我哋冇事，但知道真係有同事中暑。」 提到日前在社交網分享Bra Top照派福利，陳曉華說：「嗰張未係我全盛時期，張相係一年前影，但好快打回原形，依家瘦係做運動嘅成果，加上拍劇好多體力勞動，拍完《驅魔速遞》會再影過。（性感啲？）睇吓到時有幾多本錢啦！」她更邀請馬貫東一起拍泳裝照，對方笑言會穿潛水裝。而陳曉華離場時遇上瘋狂粉絲要求合照，場面一度混亂。 王菲訂婚未考慮生B 同場的王菲日前宣布跟拍拖4年的男友張子丰訂婚，她透露想物色戶外場地，在草地上舉行婚禮，但要視乎場地檔期再決定日子。她透露跟未婚夫同樣喜歡小朋友，但希望婚後先享受二人世界，暫時未考慮生育問題。而陳熹潼早前在社交網發表感言，外界猜測她想轉跑道，她澄清並沒有想過離開自己熱愛的演藝事業，但認為隨着年紀漸長多了責任，不能只顧一直衝，希望在演員身份外開闢新道路，打算開班教演戲。