Brasilíska ungstirnið á leið til Ítalíu?

Forráðamenn knattspyrnuliðs AC Milan á Ítalíu vonast til þess að fá brasilíska sóknarmanninn Endrick á láni frá Real Madrid. Það er ítalski miðillinn Calciomercato sem greinir frá þessu en Endrick, sem er tvítugur, hefur ekkert komið við sögu með Real Madrid á tímabilinu vegna vöðvameiðsla. Brasilíski sóknarmaðurinn gekk til liðs við Real Madrid frá Palmeiras í heimalandinu í júlí árið 2024 fyrir 50 milljónir punda. Honum hefur ekki tekist að vinna sér inn sæti í byrjunarliði Real Madrid á tíma sínum á Spáni en alls á hann að baki 40 leiki fyrir félagið þar sem hann hefur skorað sjö mörk og lagt upp eitt.