Përfundon seanca e parë plenare e sesionit, protesta vijon jashtë Kuvendit: 'Deputetë frikacakë!'

Seanca e parë plenare e këtij sesioni parlamentar ka përfunduar, ndërsa jashtë godinës së Kuvendit vazhdon protesta qytetare kundër qeverisë dhe klasës politike. Gjatë zhvillimit të punimeve në Parlament, në disa zona të qendrës së Tiranës qytetarët kanë vijuar tubimin dhe kanë përsëritur thirrjet kundër qeverisë. Tubimi i sotëm shënon ditën e 101-të të rezistencës qytetare. Gjatë protestës, policia ka shoqëruar edhe dy persona. Ndërkohë, brenda sallës së Kuvendit deputetët kanë nisur punimet e sesionit të ri parlamentar, duke shqyrtuar dhe miratuar disa pika të rendit të ditës. Pas mbylljes së seancës, deputetët janë larguar nga salla, ndërsa protestuesit kanë qëndruar jashtë Parlamentit duke vijuar me protestën dhe thirrjet kundër qeverisë.