Senatorja amerikane Joni Ernst përshëndet Kosovën për angazhimin në Forcën Ndërkombëtare të Stabilizimit në Gaza

Senatorja e Shteteve të Bashkuara të Amerikës, Joni Ernst, ka përshëndetur vendimin e Kosovës për t'iu bashkuar Forcës Ndërkombëtare të Stabilizimit në Gaza. Përmes një postimi, Ernst ka vlerësuar angazhimin e Kosovës, duke theksuar rëndësinë e bashkëpunimit ndërmjet aleatëve dhe partnerëve për krijimin e një të ardhmeje më të sigurt dhe më stabile. 'Përshëndes Kosovën për bashkimin me Forcën Ndërkombëtare të Stabilizimit në Gaza. Aleatët dhe partnerët e fortë që punojnë së bashku ndërtojnë një të ardhme më të sigurt dhe më stabile për të gjithë. Faleminderit, Kosovë, që iu përgjigjët thirrjes', ka shkruar Ernst. Deklarata e senatores amerikane vjen pas njoftimit për përfshirjen e Kosovës në këtë forcë ndërkombëtare, në kuadër të përpjekjeve për stabilizimin dhe sigurinë në Gaza. /Kosova.info/