色日放送：甘黨桃 J奶兔女郎

聽到「兔女郎」呢3字，你會諗起乜嘢？嬌俏嘅扮相？性感嘅造型？抑或火辣嘅身材？今日同大家見面嘅兔女郎甘黨桃就有晒以上優點，心口嗰對J Cup桃乳更加係冇得彈，相信喺日本寫真界應該大有作為。 肉地白嫩 一般人嘅審美眼光都係覺得身材偏瘦嘅女仔會比較吸引，所以好多女仔一聽到「肥胖」呢個形容詞同自己扯上關係，就會神經緊張，搏命減肥，結果減到對波縮晒水、籮柚亦唔再圓潤，可以話係得不償失。查實喺男人角度，女仔要有啲肉地，呢種身材先係最Perfect，所以日本寫真界發掘咗唔少體形微胖嘅女優，近期登場嘅甘黨桃就係表表者。今年26歲嘅桃妹，留住一頭及肩短髮，望落清爽醒神，對眼又大又精靈，電力十足，但講到底，點都唔及得上佢嗰副身材咁有話題性，39吋上圍仲要係J Cup，猶如一對特大蜜桃，加埋肌膚白淨嫩滑，肉地又好似棉花糖咁柔軟，足以令好多男士睇到流口水！ 舞藝悅目 甘黨桃喺今年正式登陸寫真界，靠一副極具親和力嘅招牌笑容，成功引起寫真迷嘅注意，早前更參加咗選美活動「Miss Young Champion 2026」，雖然未能獲獎，但豐滿嘅胴體已贏得大批寫真迷嘅關注，工作機會亦接踵而至。早前桃妹發行咗個人首張寫真DVD《甘黨宣言》，並以「爆乳界登場的全新逸材」作為官方宣傳賣點，上月更加喺秋葉原搞咗首場DVD發售紀念活動添！除咗拍寫真，佢亦喺近期踩入夜場，化身性感兔女郎，喺舞台上表演舞藝。原來桃妹自細跳開芭蕾舞，身體柔軟度夠晒高，所以喺舞台獻技一啲難度都冇，效果更加係悅目誘人，話唔定有朝一日會得到知名辣妹酒吧Burlesque TOKYO招攬。 網址：https://x.com/momoamato Profile 出生地：日本 身高：157cm 三圍：39J-25-37 撰文：賢