સુભાનપુરામાં ગાદલાની દુકાનમાં આગ લાગતાં અફરાતફરી,એરપોર્ટ નજીક બાઇકમાં આગ

શહેરમાં આગ લાગવાના જુદાજુદા બે બનાવ બન્યા હતા.જેમાં એક બનાવમાં ફાયર બ્રિગેડની મદદ લેવામાં આવી હતી.સુભાનપુરા ચાર રસ્તા પાસે આવેલી ગાદલાની દુકાનમાં આજે સાંજે કોઇ કારણસર આગ લાગતાં દોડધામ મચી હતી.આગ ઝડપ ભેર પ્રસરતાં સ્થાનિક લોકોએ આગ કાબૂમાં લેવાનો પ્રયાસ કર્યો હતો.આગનું સ્વરૃપ વિકરાળ બનતાં ફાયર બ્રિગેડની મદદ લેવાઇ હતી અને એેક કલાકમાં આગ કાબૂમાં લેવાઇ હતી.અન્ય એક બનાવ એરપોર્ટ વિસ્તારમાં બન્યો હોવાનો વીડિયો વાયરલ થયો છે.જેમાં એક બાઇક આગમાં લપેટાઇ હતી.જો કે ફાયર બ્રિગેડને આ બનાવનો કોલ મળ્યો નથી.જેથી લોકોએ જાતે જ આગ કાબૂમાં લીધી હોવાનું મનાય છે.