Вардар победи, Комити го почнаа најавениот бојкот

Со голови на Горан Закариќ во средината на првото полувреме и на Едис Спахиу во судиското продолжение, Вардар го победи Арсими со 2-0 во меч од Првата македонска лига на кој имаше тензии на трибините, па и прекин од 15-тина минути. Навивачката група Комити се појави на кратко и ги испрати своите пораки против раководството, а потоа си заминаа и нема да се вратат да навиваат и ќе бојкотираат додека Миленко Неделковски е на челна функција во најтрофејниот македонски клуб. За Вардар ова е трета победа после шест кола (лидерот Шкендија сега им бега пет бодови), а новиот тренер Миодраг 'Гроф' Божовиќ тргна со триумф.