Përshkallëzon tubimi, protestuesit godasin me vezë dhe shishe uji makinën e deputetes së PS. Njëri prej tyre i thyen edhe pasqyrën e automjetit

Protesta jashtë ambienteve të Parlamentit ka përshkallëzuar edhe më shumë pas përfundimit të seancës plenare. Disa protestues kanë goditur me vezë dhe shishe uji makinën e deputetes së PS-së, Ilva Gjuzi pas daljes nga seanca. Një nga protestuesit i ka goditur me shkelma makinën, duke i thyer edhe pasqyrën e automjetit. Gjatë përplasjeve, është shoqëruar edhe Adriatik Lapaj. Sipas pretendimeve nga protestuesit, gjatë ndërhyrjes së policisë është përdorur dhunë ndaj Lapajt.