Tre ditë më parë iu dogj punishtja, sot flakët i shkrumbojnë banesën, çifti i moshuar në Fier mbetet në qiell të hapur

Vetëm tre ditë më parë, Barjam Sulejmanit iu dogj punishtja ku kishte punuar për më shumë se 30 vite, ndërsa sot flakët i kanë shkrumbuar edhe banesën ku jetonte me qira së bashku me bashkëshorten. Çifti ka mbetur tashmë në qiell të hapur dhe pret ndihmën e fqinjëve për të gjetur një strehë. Sipas banorëve, shkak i zjarrit dyshohet të ketë qenë një shkëndijë elektrike. Pavarësisht ndërhyrjes së menjëhershme të zjarrfikësve, banesa nuk ka mundur të shpëtohet. Fatmirësisht, nuk ka persona të lënduar, ndërsa dëmet janë vetëm materiale.