کوئی حملہ آور ہوگا تو ڈیل یا ڈھیل نہیں ‘26نومبر سے زیادہ آہنی ہاتھوں سے نمٹا جائے گا. طلال چوہدری

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔07 ستمبر ۔2026 ) وزیرمملکت طلال چوہدری نے کہا کہ تحریک انصاف کی درخواستیں تھیں کہ ایک شخص بیمار ہے علاج کیا جائے، ایک بندہ تندرست نکلا ہے تو اس پر اب کوئی خوش نہیں ہے، پی ٹی آئی سے پوچھنا چاہیے کہ توہین عدالت میں وزیر داخلہ کا نام کیوں نہیں ڈالا؟. نجی ٹی وی کے پروگرام میں عمران خان سے متعلق گفتگو کرتے ہوئے وزیر مملکت نے کہا کہ ہسپتال کیا اس کو منتقل کرتے جو صحت مند ہو، اڈیالا کے چار ہزار قیدی ہیں سب کی خوشی یہ ہے تو کیا ہسپتال منتقل کیا جائے؟پی ٹی آئی کے احتجاج کے معاملے پر بات کرتے ہوئے طلال چوہدری نے کہا کہ کوئی حملہ آور ہوگا تو ڈیل یا ڈھیل نہیں سخت آہنی ہاتھوں سے نمٹا جائے گا، یلغار کریں گے تو 26 نومبر سے زیادہ سخت آہنی ہاتھوں سے نمٹا جائے گا.