亞運開波前先齊腳 曾昭達︰盡力而為

為備戰愛知．名古屋亞運，港隊男昨日在將軍澳足球訓練中心（FTC）繼續操練，惟多達5名球員缺陣。主教練曾昭達透露球隊會在首戰對日本前一日才齊人，但他強調仍會盡力而為，盼與強隊有力一戰。 5將踢完港超先出發 港隊上周已展開本地操練，惟直至是日才首度開放予傳媒採訪。然而球隊並未齊人，23人之中僅18人出席，除了陳冠燊因眼部發炎缺陣，剛隨港隊U20出戰亞洲盃外圍賽的秦宇灝，連同其餘外流港將馬希偉、吳宇㬢、曾樂圖稍後才歸隊，令助教陳銘剛、門將教練甄堅強等職員需要落場幫手。大軍會在下周日（13日）前往日本，但由於和富九龍城、高力北區當日仍有聯賽，因此陳冠燊、陳傲軒、嚴啟倬、郭縉諾，以及張桂華5名球員遲一日出發。 面對操練人腳不整，加上球員又要兼顧球會訓練、比賽，主教練曾昭達承認備戰相當困難：「無錯我哋冇集訓，15號先會真係齊腳練到一日，然後第二日就即刻對日本。同埋大家一直都有比賽，唔想佢哋太疲勞，所以你見練習幾乎接近行住做，同埋好多停頓。」「達Sir」又表示會一直鼓勵球員，強調球隊絕對不會放棄：「盡力踢係最緊要，希望灌輸依種心態，喺我字典入面，足球冇嘢冇可能！借鏡上屆亞運，好多球員踢得好然後出外發展，相信佢哋都可以做到。」■圖、文：文嘉靖