Kufizohen hyrje-daljet e automjeteve në parkingjet e Kuvendit dhe Presidencës, Policia jep detaje

Policia e Kosovës ka njoftuar se më 08.09.2026 janë kufizuar hyrje-daljet e të gjitha automjeteve në parkingjet e ndërtesave të Kuvendit dhe Presidencës. Përjashtim bëjnë veturat zyrtare të këtyre dy institucioneve. Ky kufizim, sipas Policisë, vjen pasi ka pranuar kërkesë nga zyrtarët kompetentë të Drejtorisë së Shërbimeve Teknike të Kuvendit. Sipas Policisë, ky veprim është bërë me qëllim të pastrimit të oborrit dhe vendparkimeve. 'Arsyeja e kësaj ndalese për datën 08.09.2026, sipas kërkesës zyrtare ishte pastrimi i oborrit dhe vendparkingjeve me mekanizëm adekuat, në të gjitha hyrjet-daljet dhe parkingjet e objekteve, përderisa ditëve në vijim shkresa parasheh kthimin e procedurave të rregullta të hyrje-daljeve dhe parkimit për personat e autorizuar'- theksohet në komunikatë. Shpërndaje Cicëroje