'تماشہ 5‘ میں ڈاکٹر زی اور اسرا کی لڑائی ہوگئی

اے آر وائی ڈیجیٹل کے رئیلٹی شو 'تماشہ 5' میں ڈاکٹر زی اور اسرا کی لڑائی ہوگئی۔ رئیلٹی شو 'تماشہ سیزن 5' میں کئی بڑے نام حصہ لے رہے ہیں جن میں ببرک شاہ، لیلیٰ، سامعہ حجاب، ڈاکٹر زی، اسرا، رابعہ جاوید ودیگر شامل ہیں اور سب ہی مختلف وجوہات کی بنا کر لوگوں کی توجہ حاصل کررہے ہیں۔ شو میں چند روز قبل پانچویں امیدوار ثاقب سمیر تھے جو گھر سے باہر ہوئے ہیں اور وہ اس بار محفوظ رہنے کے لیے زیادہ ووٹ حاصل نہیں کرسکے۔ تاہم گزشتہ قسط میں ڈاکٹر زی کی ایک بار پھر لڑائی ہوئی اور اس بار وہ اسرا سے جھڑپ کرتے دکھائی دیے۔ یہ پڑھیں: 'تماشہ 5' میں سامعہ حجاب کو جیل ہوگئی اسرا کچن میں کام کررہی تھیں جب ڈاکٹر زی کی بات پر انہوں نے جواب دیا اور دونوں کے درمیان گرما گرمی شروع ہوگئی۔ ڈاکٹر زی نے اسرا کو جعلی کرکٹر کہا تو اسرا بھی پیچھے نہیں رہیں اور جعلی ڈاکٹر اور نفسیاتی مریض کہہ دیا۔ اس دوران ببرک شاہ نے ڈاکٹر زی کو بتایا کہ وہ کچن سے باہر نہیں نکلیں اس کے بعد دیگر امیدواروں نے جھگڑا ختم کروانے کی کوشش کی۔