Готово: Меси и Роналдо ќе играат во ист тим!

Во најава е вистински фудбалски спектакл, Лионел Меси и Кристијано Роналдо се согласија да играат во истиот тим на прошталниот натпревар на поранешниот напаѓач на аргентинската репрезентација, Карлос Тевез. Средбата е закажана за декември 2026 година на стадионот 'Бомбонера' во Буенос Аирес. 'Отсекогаш сонував да ги видам Кристијано и Лео во ист тим. Тие се најголемите играчи на сите времиња. Ги контактирав, особено Кристијано. Му реков: 'Кристијано, сакам ти и Меси да играте во истиот тим на мојот проштален натпревар, за целиот свет да може еден ден да ја види оваа магија'. Тој рече да. Убедувањето на Лео исто така не беше тешко. Двајцата се согласија. Многу сум возбуден; овој натпревар ќе биде многу емотивен', рече Тевез. Тевез играше заедно со Меси за репрезентацијата на Аргентина, а со Роналдо во Манчестер јунајтед.