Protestuesit marshim rreth e rrotull Kryeministrisë, në sfond thirrjet e fuqishme: Ju erdhi fundi

Pasi janë mbajtur fjalimet përpara Kryeministrisë, protestuesit kanë nisur marshimin. Ndryshe nga herët e kaluara, sot në ditën e 100-të protestuesit kanë zgjedhur që të rrethojnë Kryeministrinë. Protestuesit po bëjnë marshim, duke i rënë kryq e tërthortë godinës së qeverisë. 'Rrethoni Kryeministrinë në mënyrë simbolike', 'Rama jepe dorëheqjen' ishin disa nga thirrjet që dëgjohen në sfond me megafon. 'Ju erdhi fundi', ishin thirrjet e tjera. Me flamuj kombëtarë, protestuesit vazhdojnë marshimin në rrugët pranë godinës së Kryeministrisë.