En Dodro, abertas ata este martes as inscricións para os programas Madrugadores e Tardes no Cole

O Concello de Dodro informou de que esta semana entra na súa recta final (ata o martes 8) o prazo de inscrición (no Rexistro Xeral do Concello) dos programas de conciliación Madrugadores e Tardes no Cole. Agrupados baixo o nome de Bos días Dodro , os dous servizos teñen como finalidade conciliar a vida familiar coa laboral e a escolar. Trátase de dous servizos gratuítos para a cidadanía e con prazas limitadas. Madrugadores lévase a cabo no CRA Escola de Vigo para menores de 3 a 7 anos. Tardes no Cole desenvólvese no CPI Eusebio Lorenzo Baleirón para alumnado matriculado no CPI.