ქობულეთში 15-მდე სოფელში მეწყერი ჩამოწვა
Category: Blend
Share
Archive
Like
ქობულეთში, 15-მდე სოფელში მეწყერი ჩამოწვა. ინფორმაციას ამის შესახებ ადგილობრივი გამოცემა 'აჭარა თაიმსი' ავრცელებს და წერს, რომ სხვადასხვა მიმართულებით ჩამოშლილმა მიწის მასამ შიდა სასოფლო გზები და ელექტროგადამცემი ხაზები დააზიანა.
მათივე ცნობით, მეწყრული პროცესები დაფიქსირდა სოფელ ქობულეთში, ლეღვაში, დაგვაში, კონდიდში, ჯიხანჯურში, ცეცხლაურში, ასევე ჩაქვის ადმინისტრაციულ ერთეულში შემავალ რამდენიმე სოფელში. ეს იმ დასახლებების არასრული ჩამონათვალია, სადაც სტიქიის შედეგად პრობლემები შეიქმნა
'მერიაში შემოსულია მოქალაქეების განცხადებები, ძირითადად, ეს ეხება საცხოვრებლების მიმდებარედ და საავტომობილო გზებზე მიწის მასის ჩამოშლას. მერიის შესაბამისი სამსახურები სწავლობენ ყველა შემოსულ განცხადებას. ეტაპობრივად დაიწყება საჭირო ღონისძიებების გატარება. შესაბამისი სამსახურების ჩართულობით, მთელი დღის განმავლობაში იწმინდებოდა გზები. ნალექის შედეგად რიგ სოფლებში დაზიანებული იყო ელექტროგადამცემი ხაზები, რის გამოც ელექტროენერგიის მიწოდება მოსახლეობის ნაწილს შეწყვეტილი ჰქონდა. ამ დროისთვის ელექტროენერგიის მიწოდება აღდგენილია'– უთხრეს გამოცემას ქობულეთის მერიაში.
A note on cookies
Newshunt uses essential cookies to keep you signed in and to remember your language and country, so the site works the way you expect. With your permission, we'd also like to use analytics cookies to understand how people use Newshunt and improve it over time.
Accepting only affects analytics. To learn more, view our Privacy Policy or Terms & Conditions.
(0)Comments