محمد شافعي يكشف لـ«العين الإخبارية» تفاصيل تعاونه مع كايروكي وحمزة نمرة

تم تحديثه الثلاثاء 2026/9/8 08:55 م بتوقيت أبوظبي أجرت «العين الإخبارية» لقاءً حصريًا، ضمن العرض الخاص للفيلم المصري «ريد فلاج»، مع الشاعر المصري محمد شافعي، صاحب أغنية «ويلي» التي كتب كلماتها، وغناها نهاد، ضمن الأغاني المرتبطة بالفيلم. وعن الأغنية وتجربته الأولى مع أجواء العرض الخاص، قال محمد شافعي: «مبسوط إني معاكم أول مرة، والأغنية ممتعة قوي، كفاية إنها عرفتني على أحمد حاتم، يعني الفيلم باين من عنوانه، والأغنية باين من اسمها ويلي». كلمات أغنية «ويلي» وعن تفاصيل أغنية الفيلم، قال: «أغنية دراما في فيلم ريد فلاج، بتتكلم عن حاجة جوه الأحداث طبعًا، مبسوط بها جدًا وتعبت فيها قوي وكتبتها حلو قوي، يا رب إن شاء الله تعجب الناس، متحمس وأنا هسمعها أول مرة معاهم جوه في العرض الخاص». وعن كلمات الأغنية، أوضح محمد شافعي: «هي اسمها ويلي، وبتقول: ويلي ويلي ويلي من الليل وسهر الليل». محمد شافعي: كايروكي مساحة للتفريغ عن نفسي وتحدث محمد شافعي عن تعاونه مع فريق كايروكي، موضحًا أن العمل معهم يمنحه مساحة للكتابة بحرية والتعبير عما بداخله، وقال: «التعاون مع كايروكي أكتر حاجة بتخليني حقيقي أنا بكتب اللي في قلبي، مش بعمل أي حسابات للسوق خالص، بابعت لأمير عيد، مش بيعمل حسابات هو كمان، فبتنزل بتتصدق قوي». وأضاف: «مبسوط دايمًا إني بشتغل مع كايروكي، لأني زي ما قلت قبل كده، أمير نفسه كاتب كبير ومهم وشاطر وعبقري كمان، فإنه هو يستعين بي دايمًا ويكون بيننا العلاقة المقربة كفنانين، وبني آدمين في المقام الأول، دي حاجة بتفرحني قوي، وبحس إني أنا من الناس المحظوظين إني أنا بشتغل مع كايروكي دايمًا، ومساحة لي للتفريغ عن نفسي، بعتبرها كده يعني». وعن تجربته مع أغنية «بسرح وأتوه» مع كايروكي، قال محمد شافعي: «أنا لما خلصت بسرح وأتوه، كنت حاسس إني أنا مبسوط قوي، حسيت إني عملت حاجة بجد مش طبيعية يعني، وأنا بقرأ الكلام بعد ما كتبته كله، قلت لا، ديه أغنية مهمة، وأنا بيحصل معايا كده دايمًا». محمد شافعي يكشف أحدث أعماله وعن أحدث أعماله الفنية، قال محمد شافعي: «استنوا أغانيا مع حمزة نمرة، هو بيعمل ألبوم بتاعه وشغال عليه خلاص، يمكن اختار معظم الأغاني أو يمكن اختار الأغاني كلها، بيقفل، ولسه متواصلين مع بعض هاتفيًا النهاردة». وتابع: «مبسوط له قوي قوي قوي، وحاسس إن شاء الله الألبوم ده هيبقى مختلف خالص عن كل اللي عمله بإذن الله». وعن مشاركته في ألبوم حمزة نمرة، قال: «يعني يمكن إن شاء الله أكتر من أغنيتين بإذن الله».