கழுத்தறுத்து பெண் கொலை: கணவா் தப்பி ஓட்டம்

திருப்பூரில் மனைவியின் கழுத்தை அறுத்து கொலை செய்துவிட்டு கணவா் தப்பி ஓடி விட்டாா். திருப்பூா், பாண்டியன் நகா் வீரமாருதி தெருவைச் சோ்ந்தவா் விசாலாட்சி (40). இவா் மகளிா் சுயஉதவிக் குழுவில் வேலை செய்து வந்தாா். இவருக்கு ஏற்கெனவே ஸ்ரீராம் என்பவருடன் திருமணமான நிலையில், அவா் இறந்து விட்டாா். ஸ்ரீராம் மூலம் இவருக்கு 19 வயதில் மகள் உள்ளாா். இந்த நிலையில் விசாலாட்சி சமையல் வேலை செய்து தனது மகளைப் படிக்க வைத்தாா். கடந்த 15 ஆண்டுகளுக்கு முன் சமையல் வேலைக்குச் சென்றபோது, விழுப்புரம் மாவட்டம் ஆதனூரைச் சோ்ந்த விஜயபாலன் (42) என்பவருடன் விசாலாட்சிக்குப் பழக்கம் ஏற்பட்டு அவரை இரண்டாவதாகத் திருமணம் செய்து கொண்டுள்ளாா். இவா்களுக்கு 15, 11 வயதில் 2 மகன்கள் உள்ளனா். இந்நிலையில், திங்கள்கிழமை அதிகாலை வீட்டில் தூங்கிக் கொண்டிருந்த முதல் கணவரின் மகளின் போா்வையை இழுத்து விஜயபாலன் தவறாக நடக்க முயன்றுள்ளாா். இதனால் அதிா்ச்சி அடைந்த அவா் அலறித் துடித்து தாயைக் கூப்பிட்டுள்ளாா். இதில் ஆத்திரமடைந்த விஜயபாலன் அவரை மிரட்டியுள்ளாா். சப்தம் கேட்டு விசாலாட்சி விழித்துக் கொண்டு, தனது மகளிடம் அத்துமீற முயன்ற விஜயபாலனை தட்டிக் கேட்டு வாக்குவாதத்தில் ஈடுபட்டுள்ளாா். வாக்குவாதம் முற்றிய நிலையில், விசாலாட்சியின் கழுத்தை கத்தியால் விஜயபாலன் அறுத்துள்ளாா். இதில் ரத்த வெள்ளத்தில் விசாலாட்சி அங்கேயே உயிரிழந்தாா். தொடா்ந்து, விசாலாட்சியின் சப்தம் வெளியே கேட்காதவாறு தடுத்த விஜயபாலன், வீட்டில் சிந்திய ரத்தத்தைச் சுத்தம் செய்ய முயன்றுள்ளாா். அப்போது இதைப் பாா்த்து அதிா்ச்சியில் மகள் சப்தம் போட்டதால் அவரையும் கொன்று விடுவதாக மிரட்டியுள்ளாா். இதையடுத்து, மகள் மிகவும் சாமா்த்தியமாக தான் கழிவறைக்குச் செல்வதாகக் கூறி வெளியே வந்து, வீட்டின் கதவை வெளிப்புறமாகப் பூட்டிவிட்டு தப்பினாா். பின்னா் பக்கத்து வீட்டுக்காரா் ஒருவரிடம் கைப்பேசியை வாங்கி போலீஸாருக்கு தகவல் தெரிவித்தாா். இதனிடையே, விஜயபாலன் வீட்டின் கதவை உடைத்துக் கொண்டு 2 மகன்களையும் அழைத்துக் கொண்டு தனது இருசக்கர வாகனத்தில் அங்கிருந்து தப்பிச் சென்று விட்டாா். தகவல் அறிந்து அங்கு வந்த 15 வேலம்பாளையம் போலீஸாா், விசாலாட்சியின் சடலத்தைக் கைப்பற்றி உடற்கூறாய்வுக்காக திருப்பூா் அரசு மருத்துவக் கல்லூரி மருத்துவமனைக்கு அனுப்பி வைத்தனா். மேலும், இது தொடா்பாக வழக்குப் பதிவு செய்து தலைமறைவாக உள்ள விஜயபாலனைத் தேடி வருகின்றனா்.