Rama: Shqipëria bën kërcim të jashtëzakonshëm në PISA 2025

Kryeministri i Shqipërisë, Edi Rama, ka reaguar pas publikimit të rezultateve të PISA 2025, duke i cilësuar ato si një ditë krenarie për arsimin kombëtar. Rama ka theksuar përmirësimin e ndjeshëm të nxënësve shqiptarë në të tri fushat e vlerësimit. Sipas tij, Shqipëria ka shënuar 65 pikë më shumë në matematikë, 59 pikë më shumë në shkencë dhe 50 pikë më shumë në lexim. Në reagimin e tij, Rama ka veçuar rezultatet në matematikë dhe shkencë, ku sipas tij, Shqipëria kryeson renditjen e vendeve të Ballkanit Perëndimor. Kryeministri e ka cilësuar këtë rezultat si dëshmi se sistemi arsimor shqiptar po ecën në drejtimin e duhur, duke theksuar kontributin e mësuesve, nxënësve dhe prindërve. 'Ky rezultat nuk është fundi i rrugës, po prova se rruga ka ndryshuar', ka shkruar Rama. Ai ka shtuar se investimi në arsim dhe në zhvillimin e kapaciteteve të nxënësve po u mundëson fëmijëve shqiptarë të përballen me standardet ndërkombëtare dhe të konkurrojnë me nxënësit e vendeve të tjera. /Kosova.info/