Përfundon murali për katërshen e UÇK-së, Musmurati: Prishtina pret kthimin e çlirimtarëve

Autori: Gazeta inFokus 18:30 | 08 September 2026 Është përfunduar sot në Prishtinë murali kushtuar kujtesës së luftës, sakrificës dhe lirisë, i realizuar me mbështetjen e Drejtorisë së Kulturës të Kryeqytetit. Me rastin e përfundimit të muralit, Nënkryetarja e Prishtinës, Besianë Musmurati, dhe drejtori i Kulturës, Isah Mustafa, së bashku me artisten OrangeGirl, e cila e ka realizuar veprën, vizituan hapësirën ku tashmë murali bëhet pjesë e peizazhit urban dhe kujtesës publike të kryeqytetit. Murali paraqet katër ish-krerët e Ushtrisë Çlirimtare të Kosovës që po mbahen në Hagë dhe ndërton një rrëfim vizual mbi luftën, mungesën, burgimin dhe lirinë, si pjesë e një historie që vazhdon të ketë peshë në kujtesën kolektive të Kosovës. -Advertisement- 'Ky mural tashmë bëhet pjesë e hapësirës publike dhe kujtesës së Prishtinës. Është një kujtesë për rrugën tonë drejt lirisë, për sakrificën dhe për njerëzit që ishin pjesë e asaj rruge. Prishtina kujton dhe Prishtina pret kthimin e çlirimtarëve', tha Musmurati. Portretet e realizuara në të kuqe simbolizojnë luftën, sakrificën, revoltën dhe tensionin emocional. Siluetat e ushtarëve në pjesën e poshtme të portreteve përfaqësojnë identitetin e luftëtarit dhe kontributin e tyre për liri. Pozicionimi i tyre në vendin ku zakonisht do të ishte kravata simbolizon kalimin nga luftëtari te figura publike dhe shtetformuese, duke ndërlidhur kontributin e tyre në luftën për liri me angazhimin e mëvonshëm në ndërtimin e shtetit dhe pavarësinë e Kosovës. Teli në sfond simbolizon kufizimin, ndarjen dhe izolimin, ndërsa zogjtë që fluturojnë mbi të përfaqësojnë lirinë dhe daljen përtej barrierave fizike. Murali është realizuar nga artistja OrangeGirl, me mbështetjen e Drejtorisë së Kulturës të Kryeqytetit. Platforma qytetare 'Liria Ka Emër' falënderon nënkryetaren e Komunës së Prishtinës, Besianë Musmurati, për angazhimin, bashkëpunimin dhe solidarizimin e vazhdueshëm me aktivitetet e organizuara në kuadër të pritjes së vendimit për çlirimtarët Hashim Thaçi, Kadri Veseli, Jakup Krasniqi dhe Rexhep Selimi. Prishtina kujton. Prishtina pret. Kosova pret kthimin e çlirimtarëve. -Advertisement- Në zonën ku po mbahet protesta janë regjistruar edhe shoqërimet e para nga po... Ish-zëdhënësi i UÇK-së dhe ish-kryetari i Kuvendit, Jakup Krasniqi, po përbal... 'Nuk e di kur do të kthehem, por për Kosovën e jap jetën!' Këto ishin fjal... Oda Ekonomike e Kosovës i ka parë me shqetësim rezultatet e testit PISA për v... Bosnjë e Hercegovina i ka urdhëruar dy diplomatë serbë të largohen nga vendi ... Instituti Demokratik i Kosovës (KDI) ka reaguar lidhur me situatën rreth kons... Kuvendi i Kosovës ka njoftuar se të mërkurën, më 9 shtator, do të mbahet sean... Përfaqësuesit e platformës 'Liria ka Emër', Eliza Hoxha, Ismail Tasholli dhe ... Drejtoria për Komunikim e Kuvendit të Republikës së Kosovës përmes një komuni... Inspektorati Qendror i Punës, ka njoftuar se ka ndaluar punimet në dy kantier... Aleanca do të mbajë sot mbledhjen e Kryesisë, e cila do të nisë në orën 18:00... Policia e Kosovës, në kuadër të planit operativ 'Mbrojtja e Pyjeve 2026', ka ...