Հայկ Մելիքյանը Կատովիցեում բացեց 5-րդ Հայկական մշակույթի փառատոնը
Category: Entertainment
Share
Archive
Like
ՄՇԱԿՈՒՅԹ 7 Սեպտեմբեր, 2026 21:55
Սեպտեմբերի 3-ին Լեհաստանի Սիլեզիայի ֆիլհարմոնիայի համերգասրահում հանդիսավոր բացվեց 5-րդ Հայկական մշակույթի փառատոնը՝ Եվրոպայում հայ մշակույթին նվիրված ամենամասշտաբային պարբերական միջոցառումը։ Բացման համերգին հանդես եկավ միջազգային լայն ճանաչում վայելող, անվանի դաշնակահար, ՀՀ վաստակավոր արտիստ Հայկ Մելիքյանը Սիլեզիայի ֆիլհարմոնիայի սիմֆոնիկ նվագախմբի հետ` դիրիժոր Ալեքսանդր Իրադյանի ղեկավարությամբ։ Նա կատարեց Արամ Խաչատրյանի դաշնամուրի կոնցերտը, որի ստեղծման 90-ամյակն է լրանում այս տարի։ Համերգին հնչեցին նաև լեհ կոմպոզիտորներ Կշիշտոֆ Պենդերեցկու, Հենրիկ Միկոլայ Գուրեցկու և Ստանիսլավ Մոնյուշկոյի ստեղծագործությունները։
Լեփ-լեցուն դահլիճը կոնցերտի կատարումն ընդունեց երկար ոտնկայս ծափահարություններով, որին ի պատասխան Հայկ Մելիքյանը կատարեց Կոմիտասի «Շուշիկի»-ն։ Համերգը հատվածաբար ուղիղ եթերով հեռարձակեց Լեհաստանի հանրային հեռուստատեսության TVP3 եթերում, ինչպես նաև լուսաբանվեց լեհական առաջատար լրատվամիջոցների կողմից։
Համերգին ներկա էին Լեհաստանի պետական և մշակութային կառույցների բարձրաստիճան ներկայացուցիչներ, ինչպես նաև հատուկ այս առիթով Կատովիցե ժամանած Կշիշտոֆ Պենդերեցկու քույրը՝ Բարբարա Պենդերեցկա-Պիոտրովսկան, և կոմպոզիտորի զարմիկը՝ Կշիշտոֆ Կորվին-Պիոտրովսկին։
Փառատոնն անցկացվում է Լեհաստանի մշակույթի և ազգային ժառանգության նախարար Մարտա Ցենկովսկայի, ՀՀ կրթության, գիտության, մշակույթի և սպորտի նախարար Ժաննա Անդրեասյանի և Սիլեզիայի վոյևոդության փոխմարշալ Յոաննա Բոյչուկի բարձր հովանու ներքո։ Փառատոնի կազմակերպիչն ու շարժիչ ուժը Լեհաստանում ՀՀ պատվավոր հյուպատոս Հրաչյա Բոյաջյանն է, ով տարիներ շարունակ հետևողականորեն ներկայացնում է նաև հայ մշակույթը Լեհաստանում։ Համերգի իրականացմանը մասնագիտական նշանակալի ներդրում է ունեցել երաժտագետ Պյոտր Օչկովսկին։
Համերգին բացման խոսքով հանդես եկավ նաև Սփյուռքի գործերի գլխավոր հանձնակատար Զարեհ Սինանյանը։
A note on cookies
Newshunt uses essential cookies to keep you signed in and to remember your language and country, so the site works the way you expect. With your permission, we'd also like to use analytics cookies to understand how people use Newshunt and improve it over time.
Accepting only affects analytics. To learn more, view our Privacy Policy or Terms & Conditions.
(0)Comments