صوبہ ہزارہ کے قیام کے لیے وفاقی وزیرسرداریوسف کی سربراہی میں سیاسی قائدین کا اجلاس
Category: Politics
Share
Archive
Like
حویلیاں(اردوپوائنٹ اخبارتازہ ترین-انٹرنیشنل پریس ایجنسی۔07 ستمبر ۔2026 ) صوبہ ہزارہ کے قیام کے لیے سیاسی قائدین نے مشترکہ جدوجہد کا اعلان کردیاہے صحافیوں سے گفتگو کرتے ہوئے مسلم لیگ (ن) کے رہنما اور وفاقی وزیر سردار محمد یوسف نے کہا ہے کہ مسلم لیگ (ن) صوبہ ہزارہ کے قیام کے مطالبے پر تمام سیاسی جماعتوں کو ساتھ لے کر چلے گی. انہوں نے کہا کہ صوبہ ہزارہ وقت کی ضرورت اور ہزارہ کے عوام کی آواز ہے، جبکہ اس کا مطالبہ کسی ایک فرد یا جماعت کا نہیں بلکہ ہزارہ کے عوام کی دیرینہ خواہش ہے دوسری جانب حویلیاں میں صوبہ ہزارہ کے قیام کے حوالے سے ہونے والے اجلاس میں صوبہ ہزارہ تحریک اور تحریک صوبہ ہزارہ نے مشترکہ جدوجہد پر اتفاق کیا. اجلاس میں صوبہ ہزارہ کے قیام کے لیے تمام سیاسی و سماجی قوتوں کو متحد کرنے اور مشترکہ پلیٹ فارم پر جمع کرنے کا فیصلہ کیا گیا سردار محمد یوسف نے کہا کہ ہزارہ کے عوام صوبہ ہزارہ کے قیام کے مطالبے پر متفق ہیں اور اس مقصد کے لیے تمام سیاسی جماعتوں کو ساتھ لے کر چلیں گے علاوہ ازیں سردار گوہر زمان نے کہا کہ بابا حیدر زمان مرحوم کی صوبہ ہزارہ کے لیے جدوجہد قابل تحسین ہے. مرتضیٰ جاوید عباسی نے کہاکہ بابا حیدر زمان نے صوبہ ہزارہ تحریک کو مضبوط بنانے میں تاریخی کردار ادا کیا، صوبہ ہزارہ کے مقصد کے حصول کے لیے تمام سیاسی و سماجی قوتوں کو متحد ہونا ہوگا اور تمام اسٹیک ہولڈرز کو ایک پلیٹ فارم پر لانے کی ضرورت ہے مرتضیٰ جاوید عباسی نے کہا کہ صوبہ ہزارہ کے قیام کے لیے ماضی میں بھی بھرپور جدوجہد کی گئی ہے، اب اس جدوجہد کو مزید آگے بڑھانے کے لیے سیاسی قیادت پرعزم ہے اجلاس میں فیصلہ کیا گیا کہ صوبہ ہزارہ کے قیام کے لیے آئندہ کا لائحہ عمل باہمی مشاورت سے طے کیا جائے گا.
A note on cookies
Newshunt uses essential cookies to keep you signed in and to remember your language and country, so the site works the way you expect. With your permission, we'd also like to use analytics cookies to understand how people use Newshunt and improve it over time.
Accepting only affects analytics. To learn more, view our Privacy Policy or Terms & Conditions.
(0)Comments