Pezullohet trafiku ajror në Britani, përfshirë aeroportet Heathrow dhe Gatwick

Një defekt teknik në kontrollin e trafikut ajror britanik po shkakton ndërprerje në disa aeroporte të Mbretërisë së Bashkuar, përfshirë Heathrow dhe Gatwick. Në Heathrow, ngritjet fillimisht u pezulluan në orët e vona të mëngjesit, më pas rifilluan me vonesa të mëtejshme në pasdite, ndërsa uljet po vazhdojnë rregullisht. Gatwick ka konfirmuar se është prekur, ashtu si edhe Aeroporti East Midlands, ndërsa Mançesteri ka paralajmëruar për vonesa të mundshme në nisje. Aeroportet e Aberdeenit, Edinburgut, Birminghamit, Bristolit, Stanstedit, London Cityt, Southendit, Isle of Man dhe Jersey-t janë prekur gjithashtu, ku janë raportuar vonesa dhe ndërprerje.