Deslices na linguaxe de Televisión Española

Membros da 2 de TVE durante a presentación dla temporada 2026/2027 de Televisión Española Daniel Gonzalez | EFE Estaba a escribir a miña colaboración semanal para La Voz de Galicia cando se presentou na miña casa, antes da hora prevista, unha amiga coa que quedara para dar un paseo. Dixo que me esperaría, acomodouse na terraza cunha revista e preguntoume cal era o título do artigo. É unha persoa moi intelixente e sabia e eu fíome moito das súas opinións. Díxenlle que pensaba titulalo Erros lingüísticos en Televisión Española. Ela dixo: Pois con ese título lerano catro persoas, tirando por alto. Un pouco amolada respondín que podía titulalo Asasinatos á linguaxe. Vexamos —dixo ela— que erros foron eses que tanto te indignan. Do resultado da conversación coa miña amiga quedou claro que os tremores de terra chámanse sismos en México, ou sexa que dicir sismos en vez de seísmos non era un erro da locutora. A locutora tiña aspecto de ser do barrio de Chamberí —contraataquei eu— disposta a defender a miña postura, e aferreime ao meu mellor exemplo: as noites torridas, que unha locutora soltou con toda naturalidade, saltándose toda norma ortográfica e lingüística: torridas como torrixas, así de claro. A miña amiga celebrou con grandes risos a identificación de torridas e torrixas, que atribuíu á perda de vocabulario que está a sufrir a xente nova por mor do uso excesivo das imaxes, dos emoticons que substitúen á linguaxe oral. Como título me suxeriu Deslices na linguaxe, pese a que desliz non é palabra galega. Así falas de erros e equivocacións, como ti queres —díxome—, pero a palabra desliz leva a moitos lectores a pensar en algo erótico, e resultará máis tractivo. Oxalá sexa así.