24-годишен турски државјанин од Истанбул е приведен во Охрид поради сомнение дека учествувал во врбување и намамување лице заради вршење проституција

24-годишен турски државјанин од Истанбул е приведен во Охрид поради сомнение дека учествувал во врбување и намамување лице заради вршење проституција. Од МВР информираат дека Р.К. бил лишен од слобода вчера во 11 часот на булеварот Туристичка во Охрид. Според пријавеното, тој е осомничен дека врбувал, поттикнувал или намамувал лице, односно учествувал во негово предавање на друго лице со цел да биде вклучено во проституција. Полицијата продолжува со расчистување и документирање на случајот, по што против 24-годишниот Турчин ќе биде поднесена соодветна кривична пријава. Засега од МВР не соопштуваат повеќе детали за случајот.